1 સપ્ટે.થી કાર બાઈકનો વીમો ઉતરાવનાર માટે અગત્યના સમાચાર, નિયમમાં થયા ફેરફાર

આ વર્ષે સપ્ટેમ્બરથી નવી કાર કે બાઈક જેવા વાહનો ખરીદનારને ફરજિયાત પણે વીમો લેવાનો રહેશે. લાંબા સમય માટેના પ્રિમિયમ પેમેન્ટ કરવાથી નવી ગાડીની કિંમતમાં વધારો થશે. જો કે આની સાથે સાથે ગ્રાહકોને ફાયદો એ થશે કે તેમને દર વર્ષે વીમાને રીન્યૂઅલ કરવાની ઝંઝટમાંથી છુટકારો મળશે.

1500સીસીથી વધારે ક્ષમતાવાળી નવી પ્રાઇવેટ કાર માટે શરૂઆતનું વીમા કવચ ઓછામાં ઓછુ 24,305 રૂપિયા હશે, જે અત્યારે 7,890 રૂપિયા છે. એજ રીતે 350 સીસીથી વધારે ક્ષમતાવાળા બાઈક માટે 13,024 ચુકવવા પડશે જે અત્યારે 2,323 ચુકવાતા હતો. વીમાનું પ્રિમિયમ દરેક મૉડલ પર અલગ અલગ હશે.

સુપ્રીમ કોર્ટે 20 જુલાઈએ આદેશ કર્યો છે કે નવી કારમાટે થર્ડપાર્ટી ઈન્સ્યોરન્સ કવર 3 વર્ષમાટે અને બાઈક માટે 5 વર્ષનો વીમો લેવો જરૂરી છે. આ આદેશનું પાલન 1 સપ્ટેમ્બરથી થશે. કોર્ટે તમામ વીમા કંપનીઓને લોન્ગ ટર્મ થર્ડ પાર્ટી વીમા કવરની ઓફર કરવાનો આદેશ કર્યો છે.

કંપનીઓ યાતો ઓનડેમેઝ અથવા થર્ડ પાર્ટી કવર કરવાના પેકેજ લાવશે અથવા લોન્ગ ટર્મ થર્ડ પાર્ટી અને એક વર્ષમાટે ડેમેઝ કવર કરવાની ઓફર કરી શકે છે.

મૂળ સ્ત્રોત વાંચો